Flash Lajme

Gallas: Topçinjve do t'u mungojë Toure



Gjatë të martës, Kolo Toure dhe Emmanuel Eboue, luajtën lojën e fundit
për Arsenal për këtë fillimvit, derisa kombëtarja e tyre e Bregut të
Fildishtë të përfundojë ndeshjet që do t’i zhvillojë në kuadër të Kupës
së Afrikës.


Dyshja ka ndihmuar liderin e Premierligës që të mposhtë West Hamim me
rezultat 2-0, ndërsa kapiteni William Gallas ka thënë se ata do t’i
mungojnë ekipit, veçanërisht lojtari me shumë përvojë, Toure. Mungesa e
tyre do të mund të zgjatë deri në gjashtë javë.


“Kolo është një lojtar i rëndësishëm për skuadrën, pasi që është shumë
i fuqishëm”, ka thënë francezi Gallas. “Ai ka cilësi të mira dhe
raporti im me të ka qenë i mirë. Ne kemi lojtarë të mirë në skuadër dhe
mungesa e tij do t’i japë hapësirë të luajë dikujt tjetër”.


Arsenal fitoi ndeshjen e djeshme ndaj West Hamit me dy gola të hershëm,
atë të Eduardo Da Silva që shënoi që në fillim të ndeshjes (2’) dhe
Adebayor (18’). Kjo fitore e ruajti edhe më tej Arsenalin në vendin e
parë me 50 pikë, dy më shumë se Manchester United që po ashtu fitoi dje
ndaj Birminghamit me rezultat minimal 1-0, me golin e Tevez (25’).

arsenalli fitoj me rezlltat 3 me 1 2 adebayori

wenger deshiroj ta largoj me huazim theo walcotin

i interesuar eshte gjiganti anglez liverpool